Mo nom été Henri Philippe Louis Maurel

Mo fine né 14 zanvier 1944 Rose Hill, Maurisse, lonten ki fine appelé Ile dé France. Mo papa ek mo manman fine été banne baba promier colon ici dans zocéan Indien. Mo case été Villeneuve Loubet dans district Alpes Maritim, dans Sud la France. Mo conten beaucoup mo famille, zistoire, ek mo banne îles ki été dans zocéan Indien.

Mo pou dimand' banne espécialist ferme lé zieu sir kantité zerreur ki zot capav guetter, a cause mo fine construit mo site pou moi-même, mo baba, pt'it baba, mo famille ek pou tou banne ki pou conten vine guette li ene zour.

Vocation sa site la, pou été zenealozie. Mo commence li 1985 avec ene pt'it boutte papié ki mo papa pou donne moa. Sa zaffair la pou donner mou l'ascendance ziska promier Maurel ki été conner dans nou Pays natal, Maurice, aussi dans Seychelles, la bas même kot nou l'ancet' Antoine Maurel fine resté. Papier zénéalozie la, fine dire ki Antoine fine né kot Valence dans district le Var. So fiss, Marie François Antoine, ki été né Mahé, Seychelles, fine resté Maurice, ek divini colon la haut kot lé nord Maurice. Li fine gagner 18 babas ek so dé madames. Li même tou sel, fine construite famille banne Maurel là.

Dans l'année 1946, ene p'tit kantité Maurel fine allé Madagascar ek li resté la bas ziske 1975. Mo Madame, mo baba ek moa même, fine prend désizion parti pou la France. Nou fine choisi rester Villeneuve Loubet dans district Alpes maritimes (06). Dans l'année 1985, mo argarde encore sa morceau papier l'arbre zénéalozic ki li fine pas encore fini même ek pleine kantité l'erreur. mo fine serser kot li été sa ville Valence là dans district lé Var, faire fout, li pas pou exist nanrien dans sa district là. Mo conner ki Antoine fine marié kot Mahé dans Seychelles. Mo fine crire Archivies Seychelles, ek taleur ene ptit moment mo gagner acte mariaze mo lancetre ek mo fine guetter, mo pléré même, ki Antoine Maurel fine né pas Valence  mais Vence même...ki li été là même a coté Villeneuve Loubet, ici même dans district Alpes maritimes.

Bisin conner ki frontier Var kot soleil lever, fine Rivière Var ziska kreazion district Alpes Maritimes 1868.

Comme mo content même sa zaffair là, mo pou serser encore plisse ek  kantité dimoune associazion, clubes donne a moa aide. Mo fine cite zot dans l'aut paze ek zot pé gangner ici tou mon gratitide. Banne l'arbre mo fisse maintenant gagner plise ké 1000 dimoune direct ligne. Ou pé capav guetter tout ça banne dimoune la ek ki koté li fine vini.

Kantité ziztoires ek zétudes fine raconter kantité zaffairs sur banne promiers colons ki vini dans ziles Océan indien là. Banne brétons pou été plisse beaucoup même. Bannes dimoune sud la France pou été kan même là. Donner zot ou salute ek guette li dans pazes la Réunion, avant Bourbon; Maurice, avant Ile dé France ek Seychelles.

Banne dimoune ki fine mort pé jamais mort même, astère ki banne dimoune vivant pé continu pense à zot

   Proverbe Malgache